Esun ku ke komprondé e komunidat di Kòrsou mester tin, banda di e vitalidat, ku ta asina típiko pa e komunidat akí tambe atenshon pa loke e yu di Kòrsou mes ta yama e “muraya kariñoso” kaminda ku silensio pa siglonan largu tabata un arma pa protehá e identidat propio kontra di e influensha i metementu di e hulandes dominante, ta parse ku awor e arma akí ta kuminsá traha kontra di e hendenan mes i ta stroba e yu di Kòrsou di ta liber den su mes pais.

E yu di Kòrsou ta tene su opinion pa su mes pa miedu di represaya, ta kritiká un otro ora esaki no por tende i ta preferá regla kos di un manera indirekto. Pasombra e kultura di miedu aki apénas a ser investigá, e outornan a disidí pa eksplorá e konsepto akí. Banda di estudio teóriko, nan a papia ku un diversidat di hende riba nan eksperensha i nan pensamentunan pa ku e presensia di un kultura di miedu na Kòrsou. Resultado di e entrevistanan ta produsí un imáhen di un isla ku hopi kontradikshon, fortalesa i vulnerabilidat, humor i tristesa, speransa i desesperashon.